மக்கள் வணக்கம்!

“சாதிக்கலாம் வாங்க”

2011-10-10T04:54:00.001-07:00

பதினெண் பருவம் எனப்படும் இந்த பதினைந்து வயதில் ஒவ்வொரு மாணவனுக்குள்ளும் விதைக்கப்படும் விதைதான் அவனது எதிர்கால வாழ்க்கை நிர்ணயிக்கும் கருவியாக அமைகிறது. அந்த கருவியை இயக்க ஒரு தூண்டல் தேவைப்படுகிறது. ஒவ்வொரு மாணவனுக்குள்ளும் சாதிக்கவேண்டும் என்ற விதையை விதைத்து அந்த விதையை தூண்டிவிடும் வேலையைத்தான் மக்கள் தொலைக்காட்சி தன் கையில் எடுத்துக்கொண்டுள்ளது.

சாதிக்கணும் நினைப்பவர்களுக்கு மட்டுமல்லாமல், நாம்மால் சாதிக்கமுடியுமா? என நினைப்பவர்களுக்குமான நிகழ்ச்சிதான் “சாதிக்கலாம் வாங்க”. பொதுவாக தொலைக்காட்சி என்றாலே பொழுதுபோக்கு நிகழ்ச்சிகளை மட்டுமே வழங்குவது என்று அல்லாமல் கல்வியையும் தொலைக்காட்சி வழியாக கொடுக்கமுடியும் என நிருபித்திருக்கிறது இந்த நிகழ்ச்சி....

பத்தாம் வகுப்பு பொதுத்தேர்வு என்பது ஒரு கடினமான விஷயமே அல்ல என மாணவர்களுக்கு புரியவைத்து அனுபவம் வாய்ந்த ஆசிரியர்கள் மூலம் திங்கள் முதல் வெள்ளி வரை ஒவ்வொருநாளும் ஒவ்வொரு பாடப்பிரிவை எடுத்து அதாவது தமிழ், ஆங்கிலம், கணிதம், அறிவியல், மற்றும் சமூக அறிவியல் என அவர்களுக்கு எளிமையான முறையில் சொல்லிக்கொடுத்து, நல்ல மதிப்பெண் பெற்று தேர்ச்சி அடைய செய்வதே இந்த நிகழ்ச்சியின் நோக்கம். இந்த ஐந்து நாட்களில் எவையேனும் ஒன்றை காண தவறவிடும் மாணவர்கள், இந்த ஐந்து நாட்களில் நடத்தப்பட்ட பாடங்களின் தொகுப்பு மற்றும் மறுஆய்வு உங்களுக்காக சனிக்கிழமையன்று ஒளிபரப்படுகிறது. கூடுதலாக பிற மொழி பயிற்சி, தொழிற்கல்வி என மாணவர்களுக்கு பயனுள்ள விதமாக அமைக்கப்பட்டுள்ளது.

“சுவர் இருந்தால்தான் சித்திரம் எழுதமுடியும்” என்ற பழமொழிக்கேற்ப ஞாயிறு அன்று மாணவர்களுக்கு ஞாபக சக்தியை அதிகரிக்க, மனநிலை சீராக செயல்பட அவர்களுக்கு மனவளக்கலை என்ற பகுதியும் கொண்டுள்ளது. இதில் உடற்பயிற்சி, யோகாசனம் ஆகியவை பயிற்றுவிக்கப்படுகின்றன. இதில் மாணவர்கள் மனபலம் பெறுவது மட்டுமல்லாமல் பொதுத்தேர்வில் நல்ல மதிப்பெண் பெற்று தேர்ச்சி பெற இந்த பகுதி உறுதுணையாக இருக்கும்.

ஆகமொத்தம் வாரத்தின் ஏழு நாட்களும் மக்கள் தொலைக்காட்சியியில் “சாதிக்கலாம் வாங்க” என்ற தலைப்பில் அக்டோபர் 5ம் தேதி முதல் காலை 6:30மணிக்கு ஒளிபரப்பாகிறது. மாணவச் செல்வங்களே இது முற்றிலும் உங்களுக்கான நிகழ்ச்சி காணத்தவறாதீர்....

பத்து நிமிடக்கதைகள் குறும்படப்போட்டி

2009-11-09T22:22:00.000-08:00

கதை இருக்கிறது. கரு இருக்கிறது. அதை உருவாக்குவதற்க்கான தொழில் நுட்ப வசதியும் இருக்கிறது. ஆனால் அதை எப்படி வெளிப்படுத்துவது என்று ஏங்கிக்கொண்டிருக்கும் இளம் இயக்குனரா நீங்கள்? இதோ உங்களுக்காக மீண்டும் ஒரு வாய்ப்பை ஏற்படுத்திஇருக்கிறது நமது மக்கள் தொலைக்காட்சி. பத்து நிமிடத்திற்குள் ஒரு படத்தை எடுக்க முடியுமா ? முடியும் என்றால் இன்றே சிந்தனைகளை முடுக்கிவிடுங்கள் . கதைக்கான கரு எதுவாகவும் இருக்கலாம் . அது உங்கள் விருப்பம் . நீங்கள் எடுத்து அனுப்பும் படங்களை பார்த்து மதிப்பிட பிரபல இயக்குனர்கள் தயாராக இருக்கிறார்கள் . அவர்கள் மட்டுமல்ல ஒளிபரப்பாகும் படங்களைப்பார்த்து அதனை தரப்படுத்த பார்வையாளர்களும் தயாராக இருக்கிறார்கள். பிறது என்ன . சிறந்த குறும்படங்களுக்கான பரிசுபெறும் பட்டியலில் உங்கள் படங்களும் இடம்பெறுவது உங்கள் கையில்தான் இருக்கிறது . சிறந்த படங்களுக்கு நிறைவான பரிசுகள் காத்திருக்கின்றன. எனவே காலத்தை கடத்தாமல் இன்றே களத்தில் இறங்குங்கள். பத்து நிமிடத்திற்குள் உங்கள் படைப்பாற்றலை வெளிப்படுத்தி பரிசை தட்டிச்செல்லுங்கள்.

உங்கள் குறும்படம் கீழே தரப்பட்டுள்ள வரையறைகளுக்கு உட்பட்டதாக இருக்கவேண்டும் .

1. கதைக்கான கரு எதுவாகவும் இருக்கலாம்.

2 . குறும்படம் 10 நிமிடங்களுக்கு மிகாமல் இருக்க வேண்டும் .

3 இறுதி படைப்பு டி வி காம் DVCAMவடிவில் இருத்தல் வேண்டும் .

4.தொலைக்காட்சிக்கு அனுப்பும் படைப்பு திருப்பி அனுப்பப்படமாட்டாது . எனவே தாங்கள் ஒரு படியை வைத்து கொண்டு அனுப்புதல் வேண்டும் .

5.தங்கள் படைப்புகளை தணிக்கை செய்யும் உரிமை தொலைக்காட்சிக்கு உண்டு .

6.உங்கள் படைப்பு வந்து சேர வேண்டிய இறுதி நாள் 20-12 2009

தங்கள் படைப்புகளை அனுப்ப வேண்டிய முகவரி

பத்து நிமிடக்கதைகள் - குறும்படப்போட்டி ,

மக்கள் தொலைக்காட்சி ,

12-16 சுப்பாராவ் நிழற்சாலை முதல் தெரு ,

கல்லுரிச் சாலை ,

சென்னை -600006 .

தங்கள் முயற்சி வெற்றி பெற மக்கள் தொலைக்காட்சி வாழ்த்துகிறது .

மக்கள் தொலைக்காட்சி நான்காம் ஆண்டில் அடி எடுத்து வைக்கிறது ....,

2009-09-06T23:02:00.000-07:00

மக்கள் தொலைக்காட்சிக்கு மிரட்டல்

2009-05-14T04:41:00.000-07:00

இலங்கைத் தமிழர்களின் உண்மை நிலையை ஒளிபரப்பியதால் மக்கள் தொலைக்காட்சியை தகர்க்கப்போவதாக
மிரட்டல் விடுக்கப்பட்டது. மேலும் இனப்படுகொலையை விளக்கும்
படக்காட்சிகளை உடனே நிறுத்துமாறு நள்ளிரவில் காவல்துறையினர் வற்புறுத்தினர்.

இலங்கைத் தமிழர்களின் அவலநிலை குறித்த குறுந்தகடுகளை வெளியிடலாம் என சென்னை உயர்நீதிமன்றம் அனுமதி அளித்ததை தொடர்ந்து, இலங்கைத்தமிழர்களின் உண்மை நிலை
குறித்த காட்சிகள் மக்கள் தொலைக்காட்சியில் ஒளிபரப்பப்பட்டது.
சிறிது நேரத்திலேயே தொலைபேசியிலும், நேரிலும் மிரட்டல்கள் வரத்தொடங்கின. இதுதொடர்பாக காவல்துறையிடம் புகார் அளிக்கப்பட்டது.

இதையடுத்து, தொலைக்காட்சி அலுவலகத்திற்கு வந்த நுங்கம்பாக்கம் துணை ஆணையர் ஜாபர் ஜாலி , திருவல்லிக்கேணி
இணை ஆணையர் கணேச மூர்த்தி உள்ளிட்ட அதிகாரிகள் இலங்கை தமிழர்களின் அவலம் குறித்த காட்சிகளை ஒளிபரப்புவதை உடனே நிறுத்துமாறு வலியுறுத்தினர். உயர்நீதிமன்ற தீர்ப்பின்படியே இலங்கைத்தமிழர் அவலநிலையை ஒளிபரப்பி வருவதாக மக்கள் தொலைக்காட்சி செய்திப்பிரிவினர் காவல்துறையினரிடம் தெரிவித்தனர். ஆனால் அதனை ஏற்க மறுத்த காவல்துறை அதிகாரிகள் இலங்கைத் தமிழர் அவலநிலை குறித்த ஒளிபரப்பை உடனே நிறுத்தாவிட்டால் அலுவலகத்திற்குள் நுழைந்து வலுக்கட்டாயமாக நிறுத்த வேண்டியிருக்கும் என எச்சரித்தனர்.
இலங்கைத் தமிழர்களின் அவலக் காட்சிகள் ஒளிபரப்பாக தொடங்கியவுடன் சென்னை நகரிலும் தமிழகத்தில் பல்வேறு இடங்களிலும் மின்சாரம் துண்டிக்கப்பட்டு இருளில் மூழ்கியது. மின்தொடர்வண்டி இயக்கம் அரை மணி நேரத்திற்கும் மேலாக தடைபட்டது. பலமணி நேரம் சென்னை நகரமே இருளில் மூழ்கியது. பின்னர் மின்சாரம் வந்தபோதும் மக்கள் தொலைக்காட்சி வரவில்லையே என ஏராளமான அழைப்புகள் அலுவலகத்திற்கு வந்தன.

பேலத் ஆப் சொலிசர்

2009-03-21T04:09:00.000-07:00

மகளிர் நாள் சிறப்பு நிகழ்ச்சிகள்

2009-03-04T23:14:00.000-08:00

மகளிர் நாள் சிறப்பு நிகழ்ச்சிகள்

மார்ச் 8 - மகளிர் நாள் அன்று மக்கள் தொலைக்காட்சி பெண்களை மையமாக வைத்து பல்வேறு நிகழ்ச்சிகள் வழங்குகிறது.

காலை பெண்கள் நாகசுரம் வாசிக்க இசையோடு தொடங்குகிறது மக்கள் தொலைக்காட்சியின் மகளிர் நாள் நிகழ்ச்சிகள். பெண்களுக்கு தமிழில் வந்து கொண்டிருக்கும் அவள் விகடன், சினேகிதி, பெண்ணே நீ, மங்கையர் மலர் முதலான பெண்கள் பத்திரிக்கைகளை ஆய்வு பார்வையோடு நோக்கும் பெண்கள் இதழ்கள் ஒரு பார்வை, பெண்களின் பெருமைகளை பேசும் பெண்கள் கவியரங்கம் 'பெண்மை போற்றுதும்', மகளிர் நாள் சிறப்பையும் மகளிர் உரிமைகளையும் பகிர்ந்து கொள்ளும் நேரலை நிகழ்ச்சி, தங்கள் சொந்த முயர்சியால் மிகப்பெரிய வெற்றிகளை பெற்ற பெண்களின் வாழ்கையை பதிவு செய்யும் பெண்ணால் முடியும் , குழந்தை பெறாத பெண்களை இந்த சமூகம் என்ன பாடுபடுதுகின்றது என்பதை சித்தரிக்கும் ஈரானிய திரைப்படம் லைலா,

பெண்கள் கல்லூரி மாணவர்கள் பங்கேற்கும் கல்லூரி கொண்டாட்டம்.

துணை நடிகைகளின் வலி நிறைந்த வாழ்க்கையை பதிவு செய்யும் கறுப்பு வெள்ளை என்று பல நிகழ்ச்சிகள் மக்கள் தொலைகாட்சியில் ஒளிபரப்பாகின்றன.

ஒவ்வொரு நிகழ்ச்சியும் பெண்களின் வாழ்க்கையை பிரதிபளிப்பதோடு, அவர்களுக்கு தன்னம்பிக்கையை ஊட்டுவதாகவும் இருக்கலாம் .

காவல்துறையினர் நடத்திய வெறித்தனமான தாக்குதல்

2009-02-20T03:02:00.000-08:00

சென்னை உயர்நீதிமன்ற வளாகத்தில் காவல்துறையினர் நடத்திய வெறித்தனமான தாக்குதலில் மக்கள் தொலைக்காட்சி செய்தியாளர்கள் இரண்டு பேர் படுகாயம் அடைந்தனர்.
சென்னை உயர்நீதிமன்ற வளாகத்தில் நேற்று வழக்குரைஞர்களை ஓட ஓட விரட்டி காவல்துறையினர் தாக்கினர். இந்நிகழ்வை மக்கள் தொலைக்காட்சி செய்தியாளர்கள் சேதுராமன் , ஜோதிமணி ஆகியோர் படம் பிடித்துக் கொண்டிருந்தனர்.
இதனால் ஆத்திரம் அடைந்த அதிரடிப்படையினரும், காவல்துறையினரும் மக்கள் தொலைக்காட்சி செய்தியாளர்கள் இருவர் மீதும் கொலைவெறித் தாக்குதல் நடத்தினர் . செய்தியாளர்கள் என்று அடையாள அட்டையை காண்பித்த பிறகும் காவல்துறையினர் தடியடி நடத்தினர். இந்தத் தாக்குதலில் படுகாயம் அடைந்த செய்தியாளர்கள் இருவரும் மருத்துவமனையில்

சிகிச்சை பெற்று வருகின்றனர் .

காவல் துறையினரின் இந்த வெறித்தாக்குதலில் பல லட்சம் ரூபாய் மதிப்புள்ள மக்கள் தொலைக்காட்சியின் ஒளிப்பதிவு கருவிகள் அடித்து நொறுக்கப்பட்டன . ஒளிப்பதிவாளர்கள் மீதும் கண்முடித்தனமான தாக்குதல் நடத்தப்பட்டது . மேலும் காவல்துறையினரின் காட்டுமிராண்டிதனமான தாக்குதலில் உயர்நீதிமன்ற நீதிபதி ஆறுமுகபெருமாள் ஆதித்தன் மற்றும் வழக்குரைஞர்களும் படுகாயம் அடைந்தனர் .

2009-02-20T01:43:00.000-08:00

மக்கள் தொலைக்காட்சிக்கு இலங்கையில் தடை

2009-02-18T01:21:00.000-08:00

மக்கள் தொலைக்காட்சி தொடங்கப்பட்டதிலிருந்து எல்லா விதத்திலும் நடுநிலையாக செயல்பட்டு வருவதை , பலவிதமான அமைப்புகளும் பாராட்டியுள்ளன .ஊடக நெறியை மீறாமல் உலகத்தமிழர்களின் குரலாக இன்று வரை ஒலித்துக்கொண்டிருக்கிறோம் .

இந்நிலையில் , இலங்கையில் நடைபெறும் இனப்படுகொலை தொடர்பான உண்மை நிலையை விருப்பு வெறுப்பின்றி தொடர்ந்து எடுத்துரைப்பதால் , இலங்கை இராணுவம் மக்கள் தொலைக்காட்சியை அந்நாட்டில் ஒளிபரப்ப முழுவதுமாக தடை விதித்துள்ளது .

மக்கள் தொலைக்காட்சிக்கு இலங்கையில் ராணுவத்தினர் விதித்துள்ள தடை , உலகளவில் கருத்து சுதந்திரத்திற்கும் , ஊடக சுதந்திரத்திற்கும் மிகப்பெரிய கரும்புள்ளி . ஊடக சுதந்ததிரத்தின் குரல் வளையை நெரித்து வரும் இலங்கை அரசின் சர்வதிகார நடவடிக்கையையே இந்த செயல் காட்டுகிறது .

இலங்கையில் தமிழ்ர்களுக்கு எதிராக இராணுவம் மேற்கொள்ளும் நடவடிக்கைகளை செய்தியாக வெளிட்ட பத்திரிகையாளர்கள் சிலர் படுகொலை செய்யப்பட்டனர் . இனப்படுகொலை செய்திகளை வெளியிட்டதற்காக பி .பி .சி . உள்ளிட்ட வெளிநாட்டு ஊடகங்களுக்கும் இலங்கையில் தடை விதிக்கிகப்பட்டுள்ளது .

இலங்கையில் அரசு ஜனநாயக பாதையைவிட்டு தடம்மாறி சென்று கொண்டிருக்கிறது என்பதற்கு ஊடகங்கள் மீதான தாக்குதல்களும் அதனைத் தொடர்ந்து இலங்கை முழுவதும் மக்கள் தொலைக்காட்சிக்கு விதிக்கப்பட்டுள்ள தடையும் சான்றாகும் .

இலங்கையில் ராணுவ கட்டுபாட்டில் உள்ள அனைத்துப் பகுதிகளிலும் மக்கள் தொலைக்காட்சி நிகழ்ச்சிகளை ஒளிபரப்ப கூடாது என அங்குள்ள கம்பிவட இயக்குனர்களுக்கு ஆணையிடப்பட்டுள்ளது .

இலங்கை அரசின் இந்த அடக்குமுறைக்கு எதிராக அரசியல் தலைவர்களும் , சக ஊடகவியளர்களும் , பொதுமக்களும் தங்கள் கண்டனக் கணைகளை பதிவு செய்ய வேண்டும் . தமிழர்களுக்காக குரல் கொடுக்கும் மக்கள் தொலைக்காட்சிக்கும் , ஊடக நெறியைக் காப்பாற்றப்படுவதற்கும் துணை நிற்குமாறு அன்புடன் வேண்டுகிறோம் .

மக்கள் தொலைக்காட்சிக்காக ,

அ . சிவகுமார் .

முதன்மை செயல் அலுவலர் .

ஈழம் - நேற்றும் இன்றும் .டிசம்பர் 15 ,2008 முதல் ..,

2008-12-07T22:54:00.000-08:00

ஈழம் - நேற்றும் இன்றும்

திங்கள் முதல் வெள்ளி வரை இரவு 8.30 மணிக்கு ..

இலங்கை அரசு சொந்த மக்கள் மீதே மும்முனைத் தாக்குதல் நடத்துவது இதுவரை உலகம் காணாத வரலாறு .

இனவெறி வன்வம் எப்போது , எப்படி , எங்கிருந்து தொடங்கியது என்பதை காட்டும் தொடர் ஈழம் -நேற்றும் இன்றும் .

உள்ளைத்தை உலுக்கும் வகையில் உருவாக்கப்பட்டது இந்த தொடர் .

2008-09-25T02:28:00.000-07:00

மூன்றாம் ஆண்டு சிறப்பு மலர் - 2008

2008-09-22T02:07:00.000-07:00

To Download..,

http://rapidshare.com/files/147366117/3rd_year_special_issue_1-50_pages.pdf.html

http://rapidshare.com/files/147639236/3rd_year_special_issue_50-100_page.pdf.html

தலைவா - ஆகஸ்ட் 22 முதல் ..,

2008-09-15T04:53:00.000-07:00

மக்கள் தொலைக்காட்சியில் திங்கள் முதல் வெள்ளி வரை இரவு 8.30 மணிக்கு ஒளிபரப்பாகவிருக்கும் புதிய நையாண்டித் தொடர் " தலைவா " .

ஆட்டோ சங்கர் , சந்தனகாடு என்ற தொடர்களால் இரவு 8.30 மணியை அதிரவைத்த மக்கள் தொலைக்காட்சி "தலைவா " நிகழ்ச்சியின் மூலம் நேயர்களை வயிறு குலுங்க சிரிக்க வைக்கப்போகிறது .

வரும் 22 ஆம் தேதி முதல் ஒளிபரப்பை தொடங்கும் தலைவா , அரசியலின் அன்றாட நிகழ்வுகளையும் , அரசியல்வாதிகள் அடிக்கடி அடிக்கும் அந்தர் பல்டியையும் அலசும் நிகழ்ச்சிதான் தலைவா .

அரசியல் நையாண்டி இருக்கும் அதே நேரத்தில் யார் மனதையும் புன்படுத்தாத நேர்த்தி இருக்கும் . சிரிப்புத் தொடரான தலைவா , சிரிப்பை தாண்டி அரசியலுக்குள் அதிர்வை ஏற்படுத்தும் என்பது மட்டும் நிச்சயம் .

மணிச்செய்திகள் - ஆகஸ்ட் 22 முதல் ...,

2008-09-14T23:13:00.000-07:00

நமது மக்கள் தொலைக்காட்சியில் நாள்தோறும் 8 முறை செய்திகள் ஒளிபரப்பாகி வருகின்றன . இதில் , இரவு 10 மணிக்கு ஒளிபரப்பாகும் செய்தி தொகுப்பில் , அன்றைய தினம் உலகம் முழுவதும் நடைபெற்ற நிகழ்வுகள் இடம்பெற்று வருகின்றன . மக்கள் தொலைக்காட்சி மூன்றாவது ஆண்டில் அடி எடுத்து வைத்ததையொட்டி, வரும் 22 ஆம் தேதி திங்கள் கிழமை முதல் "மணிச்செய்திகள் " தொடங்கப்படவிருக்கிறது . இதன்படி ஒவ்வொரு மணி நேரத்திற்கும் ஒருமுறை முதன்மையான செய்திகள் ஒளிபரப்பாகும் .

இதில் உள்ளூர் முதல் உலகின் கடைகோடி நாடுகள் வரை அவ்வப்போது நிகழ்ந்த செய்திகள் இடம்பெற்று இருக்கும் . அரசியல் , விளையாட்டு , அறிவியல் , சாதனைகள் , அன்றாட நிகழ்வுகள் என இதில் அனைத்து அணிவகுத்து வரும் .

24 மணி நேர செய்தி தொலைக்காட்சி செய்யும் பணியை , மக்கள் தொலைக்காட்சியின் செய்திப்பிரிவு , மணிச் செய்திகள் மூலம் மேற்கொள்ள

இருக்கிறது .

மற்றவர்கள் யோசிக்கத் தயங்கும் முக்கிய செய்திகளையும் , அதன் பின்னணியையும் துணிச்சலோடு , உலகுக்கு வெளிச்சம் போட்டு காட்டி வரும்

மக்கள் தொலைக்காட்சி , மணிச் செய்திகளிலும் சிறப்பான முத்திரையைப் பதிக்கும் .

முத்தமிழ் மணத்த மூன்றாம் ஆண்டு விழா.....,

2008-09-13T04:44:00.000-07:00

மக்கள் தொலைக்காட்சியின் மூன்றாம் ஆண்டு தொடக்க விழா சங்கம் வைத்து தமிழ் வளர்த்த மதுரையில் தொடங்கியது .

முத்தமிழே மூச்சாகத் தொடங்கிய இந்த விழாவில் கலை நிகழ்ச்சிகள் , மக்கள் தமிழ் , இயற்றமிழ் என்று முப்பெரும்பகுதியாகவிழாகொண்டாடப்பட்டது .

பரவை முனியம்மாவின் பாட்டு , கலைமாமணி தஞ்சை விநாயகத்தின் காவடி ஆட்டம் , புதிய கோணங்கிகளின் அதிர்வேட்டு , பள்ளி மற்றும் கல்லூரி மாணவர்களின் கலக்கல் கலைநிகழ்ச்சிகளோடு விழா களைகட்டியது .

இயக்குநர் அமீர் , இயக்குநர் சீமான் , இயற்கை விஞ்ஞானி நம்மாழ்வார் , சுப்பு ஆறுமுகம் , நாஞ்சில் நாடன் , பெரியார்தாசன் , எஸ் .பொ என பேராளர்கள் கருத்துரைக்க - மருத்துவர் இராமதாசு பேருரை நிகழ்த்த விழா இனிதே நடந்தது.

மாண்புமிகு நடுவண் அமைச்சர் அன்புமணி இராமதாசு தலைமையில் நடைபெற்ற இவ்விழாவில் முத்தமிழ் மணத்தது.

மூன்றாம் ஆண்டு விழா

2008-09-13T02:48:00.000-07:00

மக்கள் குழுமம்

முத்தமிழே மூச்சாக...தொடங்குகிறது மூன்றாமாண்டு!

2008-08-28T02:07:00.000-07:00

அழைக்கிறோம் அன்புடன்...

உங்கள் அனைவரையும் வரும் செப். 6-ஆம் நாள் (சனிக்கிழமை) மாலை 4.00 மணிக்கு மதுரை இராசா முத்தையா மன்றத்தில் நடைபெறவுள்ள மக்கள் தொலைக்காட்சியின் மூன்றாம் ஆண்டு தொடக்க விழாவிற்கு (முத்தமிழ் விழாவாக கொண்டாடுகிறோம்!) அன்புடன் அழைக்கிறோம்.

நன்றி,
மக்கள் குழாம்.

முதல் பூ...

2008-08-28T02:01:00.000-07:00

மக்கள் வணக்கம்.

மக்கள் தொலைக்காட்சியைப் பற்றிய பல சுவையான தகவல்களை அறிந்து கொள்ள இந்த வலைப்பூவைத் தொடர்ந்து பாருங்கள்.

நன்றி.
மக்கள் குழாம்.